საქართველოს სახალხო დამცველი ლევან იოსელიანი და სახალხო დამცველის მოადგილე ირინე ჩიხლაძე საქართველოში გაეროს ქალთა ორგანიზაციის (UN Women) წარმომადგენელს, კაორი იშიკავას შეხვდნენ. ინფორმაციას სახალხო დამცველის აპარატი ავრცელებს.

მათივე ცნობით, შეხვედრაზე საქართველოს სახალხო დამცველსა და UN Women-ს შორის მრავალწლიანი და მჭიდრო თანამშრომლობის მნიშვნელობაზე ისაუბრეს.

„აღინიშნა, რომ ერთობლივად განხორციელებულმა პროექტებმა მნიშვნელოვანი წვლილი შეიტანა ქვეყანაში გენდერული თანასწორობის გაძლიერების, ქალთა უფლებების დაცვის, ძალადობის პრევენციისა და საზოგადოების ცნობიერების ამაღლების მიმართულებით. განსაკუთრებული ყურადღება გამახვილდა, როგორც რეგიონებში განხორციელებულ აქტივობებზე, ისე ქალთა უფლებებთან დაკავშირებული სისტემური გამოწვევების იდენტიფიცირებისა და მათზე რეაგირების მნიშვნელობაზე.

მხარეებმა ასევე განიხილეს საქართველოს სახალხო დამცველის, როგორც მრავალმანდატიანი ადამიანის უფლებათა დაცვის ინსტიტუტის საქმიანობის მრავალფეროვანი მიმართულებები. ამ კონტექსტში, ყურადღება გამახვილდა საქართველოს სახალხო დამცველის საპარლამენტო ანგარიშში ასახულ ძირითად მიგნებებსა და რეკომენდაციებზე, სპეციალურ ანგარიშებზე და ცნობიერების ამაღლების კამპანიების ფარგლებში საქართველოს რეგიონებში, სახალხო დამცველის საპარლამენტო და სპეციალური ანგარიშების თაობაზე დისკუსიის მნიშვნელობაზე. ისაუბრეს სამომავლო თანამშრომლობის პერსპექტივებსა და ერთობლივი პროექტების გაგრძელების მნიშვნელობაზეც.

შეხვედრას ასევე ესწრებოდნენ UN Women-ის საქართველოს ოფისის წარმომადგენლები თამარ ვაშაკიძე და ირინა ჯაფარიძე,“ - აღნიშნულია ინფორმაციაში.