აშშ-ის ბლოკადის ფონზე შექმნილი ელექტროენერგიის კრიზისის გამო კუბაზე საპროტესტო აქციები გაიმართა , - ინფორმაციას Reuters-ი ავრცელებს.

გამოცემის ცნობით, ენერგეტიკული კრიზისის ფონზე გასულ ღამეს კუბის დედაქალაქ ჰავანას ქუჩებში ასობით ადამიანი გამოვიდა.

დემონსტრანტებმა დედაქალაქის ქუჩებში ნაგავი დაწვეს და ხმამაღალი შეძახილებით ელექტროენერგიის მიწოდების აღდგენა მოითხოვეს.

Reuters-ი წერს, რომ მას შემდეგ რაც იანვარში, აშშ-ის პრეზიდენტმა დონალდ ტრამპმა კუბას ნავთობზე ემბარგო დაუწესა და ქვეყნებს, რომლებიც კუბას ნავთობს აწვდიან, ტარიფების დაწესებით დაემუქრა, ქვეყანაში ენერგეტიკული კრიზისი გამწვავდა და ჰავანის ზოგიერთ ნაწილში ელექტროენერგია დღის განმავლობაში 22 საათითაც კი ითიშება.

დემონსტრაციების დაწყებამდე კუბის ენერგეტიკის მინისტრმა, ვისენტე დე ლა ო-მ განაცხადა, რომ ქვეყანაში საწვავის მარაგი ამოიწურა.

„ჩვენ საწვავის მარაგები აღარ გვაქვს“, - აღნიშნა მინისტრმა.