საერთოდ წარმოუდგენელია, რაზე და რა ალიანსებში გაერთიანებაზეა საუბარი. ჩვენ ვართ დამოუკიდებელი პოლიტიკური ძალა, - ამის შესახებ „ლელო-ძლიერი საქართველოს“ წევრმა, ლანა გალდავამ „პოლიტიკური ალიანსის“ ერთ-ერთი ლიდერის, ნიკა გვარამიას განცხადების საპასუხოდ განაცხადა.

მისი თქმით, „ლელო“ ქვეყანაში ორპოლუსიანობის დასრულების მიზნით შეიქმნა.

„ლელო“ შეიქმნა იმ მიზნით, რომ ამ ქვეყანაში დასრულებულიყო ორპოლუსიანობა და ძლივს მივიღეთ მოცემულობა, როდესაც არის „ქართული ოცნება“ ცალკე, „ნაციონალურ მოძრაობა“ ცალკე და რაღა თქმა უნდა, „ლელო“ თავისი პოლიტიკური დღის წესრიგით არის და აგრძელებს თავის პოლიტიკურ საქმიანობას. ამიტომ, საერთოდ წარმოუდგენელია, რაზე და რა „ალიანსებში“ გაერთიანებაზეა საუბარი. ჩვენ

ვართ დამოუკიდებელი პოლიტიკური ძალა ჩვენი პოლიტიკური დღის წესრიგით და ჩვენ ვაგრძელებთ ამ ხაზს, რაც არის დამოუკიდებლად ჩვენი პარტიის განვითარება, ის სტრატეგიები და მიზნები, რაც ჩვენ ასევე დამოუკიდებლად გაგვაჩნია“, - განაცხადა გალდავამ.

შეგახსენებთ, „ოპოზიციური ალიანსის“ ერთ-ერთი ლიდერის, ნიკა გვარამიას განცხადებით, ალიანსში პარტია „ლელო“ და პარტია „გახარია საქართველოსთვის“ უნდა მიიღონ.