აშშ-ის პრეზიდენტ დონალდ ტრამპთან კარგი სატელეფონო საუბარი მქონდა მისი ჩინეთიდან დაბრუნებისას, - ამის შესახებ გერმანიის კანცლერი ფრიდრიხ მერცი სოციალურ ქსელში წერს.

მისი ინფორმაციით, საუბრის დროს უკრაინისა და ირანის საკითხები განიხილეს.

„შევთანხმდით: ირანი ახლავე უნდა დაჯდეს მოლაპარაკებების მაგიდასთან. მან უნდა გახსნას ჰორმუზის სრუტე. თეირანს არ უნდა მიეცეს ბირთვული იარაღის ქონის უფლება. ჩვენ ასევე განვიხილეთ უკრაინის კონფლიქტის მშვიდობიანი გადაწყვეტა და შევათანხმეთ ჩვენი პოზიციები ანკარაში დაგეგმილი ნატო-ს სამიტის წინ. აშშ და გერმანია ძლიერი პარტნიორები არიან ძლიერ ნატო-ში“, - წერს მერცი.