ტრამპისა და სი ძინპინის შეხვედრამ მნიშვნელოვანი შედეგები მოიტანა, სი ძინპინი აშშ-ს შემოდგომაზე ეწვევა, - ამის შესახებ ჩინეთის საგარეო საქმეთა მინისტრმა, ვან იმ ჩინეთის სახელმწიფო მედიასთან საუბარში განაცხადა.

ვან იმ აღნიშნა, რომ ჩინეთის პრეზიდენტი, სი ძინპინი აშშ-ის პრეზიდენტმა დონალდ ტრამპმა მიიწვია.

„ეს მნიშვნელოვანი შეხვედრა იყო, რომლის დროსაც ორი სახელმწიფოს მეთაურს ღრმა კომუნიკაცია ჰქონდათ და მნიშვნელოვან შედეგებს მიაღწიეს“, - განაცხადა ვან იმ და შეხვედრა როგორც „ისტორიული“ აღწერა.

მისი თქმით, განსაკუთრებული პროგრესი ვაჭრობისა და ეკონომიკურ საკითხებზე იქნა მიღწეული. ვან ის განცხადებით, აშშ და ჩინეთი სავაჭრო საბჭოსა და საინვესტიციო საბჭოს შექმნაზე შეთანხმდნენ.

ჩინეთის საგარეო საქმეთა მინისტრმა ასევე ირანის ომზეც ისაუბრა.

„ჩინეთი მოუწოდებს როგორც აშშ-ს, ასევე ირანს, განაგრძონ უთანხმოებებისა და დავების, მათ შორის ბირთვული საკითხის, მოლაპარაკებების გზით მოგვარება, და მხარს უჭერს ჰორმუზის სრუტის რაც შეიძლება სწრაფად გახსნას ცეცხლის შეწყვეტის შენარჩუნების საფუძველზე“, - განაცხადა ვან იმ.