უკრაინამ რუსეთისგან 528 სამხედრო მოსამსახურის ცხედარი დაიბრუნა
უკრაინამ რუსეთისგან 528 სამხედრო მოსამსახურის ცხედარი დაიბრუნა, - ინფორმაციას უკრაინული მედია სამხედრო ტყვეებთან მოპყრობის საკოორდინაციო შტაბზე დაყრდნობით ავრცელებს.
„რეპატრიაციის ღონისძიებების შედეგად უკრაინამ 528 ცხედარი დაიბრუნა, რომლებიც რუსული მხარის მტკიცებით, უკრაინელ სამხედროებს ეკუთვნით“, - აცხადებს უკრაინის სამხედრო ტყვეებთან მოპყრობის საკოორდინაციო შტაბი.
უკრაინის სამხედრო ტყვეებთან მოპყრობის საკოორდინაციო შტაბის ცნობით, სამართალდამცავი ორგანოები ცხედრების იდენტიფიცირების მიზნით ექსპერტიზას ჩაატარებენ.
