ლონდონში მიგრაციის წინააღმდეგ მსვლელობა და პალესტინის მხარდამჭერი დემონსტრაცია მიმდინარეობს, - ინფორმაციას BBC-ი ავრცელებს.

ცენტრალურ ლონდონში ერთმანეთის პარალელურად ორი მსვლელობა მიმდინარეობს, რომლებშიც ათიათასობით ადამიანი მონაწილეობს.

მიგრაციის წინააღმდეგ მსვლელობის „გააერთიანე სამეფოს“ მონაწილეებს მარშის ორგანიზატორმა ულტრამემარჯვენე აქტივისტმა, ტომი რობინსონმა მიმართა და მათ „ადგილობრივ პოლიტიკაში ჩართვისკენ“ მოუწოდა.

მსვლელობის მონაწილეები დიდი ბრიტანეთის პრემიერ-მინისტრს, კირ სტარმერს გადადგომისკენ მოუწოდებენ და სკანდირებენ: „წავიდეს სტარმერი“.

პალესტინის მხარდამჭერ დემონსტრაციაზე შეკრებილ ადამიანებს ხელში პლაკატები აქვთ წარწერებით: „თავისუფლება პალესტინას“ და „გავანადგუროთ ულტრამემარჯვენეები“.

ლონდონის ცენტრში 4000-ზე მეტი პოლიციელია განლაგებული, რომლებიც მსვლელობებს შორის ვითარებას აკონტროლებენ.

პოლიციაში განაცხადეს, რომ „სხვადასხვა დარღვევისთვის“ 11 ადამიანი დააკავეს, თუმცა არ დააკონკრეტეს რომელი მსვლელობის მონაწილეები არიან დაკავებულები.