აშშ-ის მიერ რუსულ ნავთობზე დაწესებული სანქციების შემსუბუქება პოზიტიური სიგნალია, - ამის შესახებ რუსეთის პრეზიდენტის სპეციალურმა წარმომადგენელმა, კირილ დმიტრიევმა განაცხადა.

რუსეთის პრეზიდენტის ვლადიმერ პუტინის სპეციალური წარმომადგენელი კირილ დმიტრიევი აშშ-ის ხაზინის დეპარტამენტის მიერ დროებითი, 30-დღიანი ლიცენზიის გაცემას გამოეხმაურა, რომლითაც ქვეყნები ზღვებში მყოფ გემებზე დატვირთული რუსული ნავთობისა და ნავთობპროდუქტების შეძენას შეძლებენ.

მისი თქმით, აშშ-ის გადაწყვეტილება „დამადასტურებელია იმისა, რომ გლობალური ენერგოუსაფრთხოება რუსული ენერგორესურსების გარეშე შეუძლებელია“.

„სანქციების შემსუბუქება გლობალური ენერგეტიკული ბაზრებისა და ენერგეტიკული უსაფრთხოებისთვის პოზიტიური სიგნალია“, - აცხადებს დმიტრიევი.