შვედეთი საფრანგეთისგან ოთხ ფრეგატს შეიძენს, - ინფორმაციას Reuters-ი ავრცელებს.

შვედეთი თავდაცვის შესაძლებლობების გაძლიერების მიზნით ფრანგულ კომპანია Naval Group-ს ოთხი მილიარდი დოლარის ღირებულების ოთხ ფრეგატს შეუკვეთავს.

სამხედრო გემების პირველ პარტიას შვედეთი 2030 წლისთვის მიიღებს.

შვედეთის პრემიერ-მინისტრმა ულფ კრისტერსონმა განაცხადა, რომ 1980 წლის შემდეგ ეს შვედეთისთვის ყველაზე დიდი სამხედრო ინვესტიცია იქნება.

„თანამედროვე ეპოქაში ბალტიის ზღვა არასდროს ყოფილა ისეთი დაუცველი, როგორც ახლაა. მჯერა, რომ ამ გადაწყვეტილებით ბალტიის ზღვა მომავალში უფრო უსაფრთხო გახდება“, - აღნიშნა შვედეთის პრემიერ-მინისტრმა.