უკრაინის საგარეო საქმეთა მინისტრის, ანდრეი სიბიგას ცნობით, უნგრელ კოლეგასთან ანიტა ორბანთან ერთად ონლაინ ფორმატში, უკრაინელ და უნგრელ ექსპერტებს შორის ეროვნული უმცირესობების უფლებებთან დაკავშირებით კონსულტაციები დაიწყო.

„უკრაინა სერიოზულად განიხილავს ეროვნული უმცირესობების უფლებების საკითხს და ერთგულია იმის, რომ ის ევროპული სტანდარტების შესაბამისად უზრუნველყოფილი იყოს. გვესმის, რომ ეს ძალიან მნიშვნელოვანი საკითხია“, - განაცხადა სიბიგამ.

ასევე, მისი თქმით, უკრაინის ევროკავშირში გაწევრიანება უნგრეთის სტრატეგიულ ინტერესებში შედის.

„ხაზგასმით აღვნიშნე, რომ ახლა დროა, მყარი საფუძველი შევქმნათ, რათა ევროკავშირთან მოლაპარაკებების პირველი კლასტერი მაისში გაიხსნას“, - აღნიშნა უკრაინის საგარეო საქმეთა მინისტრმა.