საპატრიარქოს ეზოსთან, სადაც ცოტა ხნის წინ ავტომობილი შევარდა და ჭიშკარი შეანგრია, საგამოძიებო მოქმედებები მიმდინარეობს. ტერიტორია ყვითელი ლენტით არის შემოსაზღვრული. შემთხვევის შედეგად არავინ დაშავებულა.

თვითმხილველების ინფორმაციით, მამაკაცი, რომელიც საპატრიარქოს ეზოში შევარდა, ბოთლებს ისროდა და იგინებოდა.

„აქედან პირდაპირ შევარდა, შეანგრია ჭიშკარი, თანამშრომლის მანქანა დგას აქ და იმას დაეჯახა. ჩვენ ოთახებში ვიყავით, ძალიან ძლიერი დაჯახება იყო. მანქანიდან ბოთლებს ისროდა და იგინებოდა", - აცხადებს საპატრიარქოს ერთ-ერთი თანამშრომელი.