უნგრეთის პრემიერ-მინისტრმა, პეტერ მადიარმა თანამდებობაზე დანიშვნის შემდეგ პირველი ვიზიტი პოლონეთში განახორციელა და პოლონელ კოლეგას, დონალდ ტუსკს შეხვდა. ინფორმაციას უნგრული მედია ავრცელებს.

ვარშავაში შეხვედრის შემდეგ მადიარმა და ტუსკმა ერთობლივი პრესკონფერენცია გამართეს.

„ვიქტორ ორბანის მთავრობაში ყოფნის დროს პოლონეთ-უნგრეთის ურთიერთობებში დრამატული პერიოდი იყო, თუმცა ეს არ ნიშნავდა, რომ პოლონელებსა და უნგრელებს შორის ცუდი ურთიერთობები იყო. პეტერთან ერთად შემიძლია ვთქვა, რომ ჩვენ ამ რეგიონის მნიშვნელობის აღდგენა გვსურს და ამ მიმართულებით ვიშეგრადის ჯგუფს გადამწყვეტი მნიშვნელობა ექნება“, - განაცხადა პოლონეთის პრემიერ-მინისტრმა, დონალდ ტუსკმა.

ტუსკის თქმით, უკრაინასთან დაკავშირებთ საერთო პოზიციის შემუშავების მიზნით მადიართან იმუშავებს.

უნგრეთის პრემიერ-მინისტრმა, პეტერ მადიარმა აღნიშნა, რომ „უკრაინა მსხვერპლია და უფლება აქვს ტერიტორიული მთლიანობის დასაცავად ყველა შესაძლო საშუალება გამოიყენოს“.

ასევე, მადიარმა მომავალ თვეში უკრაინის პრეზიდენტთან, ვოლოდიმირ ზელენსკისთან შეხვედრის მზადყოფნა გამოთქვა.