უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინულ მხარეს „კარგი კონტაქტები“ ჰქონდა შეერთებულ შტატებთან და იმედი გამოთქვა, რომ რუსეთთან სამშვიდობო მოლაპარაკებები განახლდება.

„ჩვენს გუნდს კარგი კონტაქტები ჰქონდა ამერიკულ მხარესთან - როგორც ჩვენი უსაფრთხოების თანამშრომლობის საკითხებზე, ასევე დიპლომატიურ საკითხებზე რუსებთან დაკავშირებით. თუ უახლოეს კვირებში მოვახერხებთ დავუბრუნდეთ არსებით სამმხრივ კომუნიკაციას და თუ მოვახერხებთ ევროპელების ჩართვას, ეს სწორი შედეგი იქნება“, - აღნიშნა ზელენსკიმ.

მისი თქმით, უკრაინა მზადაა ასეთი შესაბამისი ნაბიჯებისთვის.

„ვიმედოვნებ, რომ ჩვენი პარტნიორებიც მზად იქნებიან და რუსები არ დაიმალებიან“, - აღნიშნა უკრაინის პრეზიდენტმა.