უკრაინის ვიცე-პრემიერი, ტარას კაჩკა ბელგრადში სერბეთის პრეზიდენტს, ალექსანდრ ვუჩიჩს შეხვდა.

ამის შესახებ ინფორმაციას უკრაინის ვიცე-პრემიერი ევროპული და ევროატლანტიკური ინტეგრაციის საკითხებში, ტარას კაჩკა სოციალურ ქსელში ავრცელებს.

“შევხვდი სერბეთის პრეზიდენტს, ალექსანდრ ვუჩიჩს, რათა განგვეხილა ევროკავშირის გაფართოება, ორმხრივი თანამშრომლობა და რეგიონული განვითარება.

გავცვალეთ მოსაზრებები ევროკავშირის გაფართოების პოლიტიკის მომავალსა და გაწევრიანების პროცესში იმპულსის შენარჩუნების მნიშვნელობაზე.

აღვნიშნე, რომ ევროკავშირის წევრი ქვეყნებისგან სიგნალებს დიდი მნიშვნელობა აქვთ კანდიდატი ქვეყნებისთვის. უკრაინა მხარს უჭერს ინიციატივებს, რომლებსაც შეუძლია ინტეგრაციის დაჩქარება და გაწევრიანების წინ წაწევაში დახმარება.

ჩვენი პრიორიტეტი იგივე რჩება - [გაწევრიანების შესახებ] მოლაპარაკებების ყველა კლასტერის გახსნა და მეტი პროგრესი ევროკავშირისკენ გზაზე.

განვიხილეთ ჩვენს ქვეყნებს შორის თავისუფალი ვაჭრობის შეთანხმების თაობაზე მოლაპარაკებების ბოლომდე მიყვანის მნიშვნელობა.

ვაფასებთ სერბეთის მზაობას, რომ კიდევ უფრო გავაძლიეროთ ორმხრივი დიალოგი”, - წერს კაჩკა.