სოფელ ვაჩნაძიანთან მომხდარი ავტოსაგზაო შემთხვევის შედეგად დაშავებულები ამ დრომდე გურჯაანის კლინიკაში რჩებიან.

საავადმყოფოს ხელმძღვანელის, გიორგი შათირიშვილის განმარტებით, მძიმეა ერთ-ერთი დაშავებულის ჯანმრთელობის მდგომარეობა. მას პირველ ეტაპზე სპლენექტომია ჩაუტარდა, თუმცა აღენიშნება ბარძაყის ძვლის მოტეხილობაც და მეორე ოპერაციაც ესაჭიროება.

ასევე, ექიმების ინფორმაციით, რთული მოტეხილობები აქვს კიდევ ერთ ახალგაზრდას და ოჯახის წევრები მის თბილისში გადაყვანას გეგმავენ.

დანარჩენი ორს კი მსუბუქი დაზიანებები აღენიშნება.

რაც შეეხება მეხუთე დაშავებულს, ის თელავის რაიონული საავადმყოფოშია მოთავსებული. ექიმების შეფასებით, მისი ჯანმრთელობის მდგომარეობა სტაბილურია.

ავარია გუშინ საღამოს გურჯაანის მუნიციპალიტეტის სოფელ ვაჩნაძიანთან მოხდა. სოფელ ახაშენის სკოლის „ბოლო ზარის“ კოლონაში მოძრავი „ოპელის“ მარკის ავტომობილი ტრაილერს შეეჯახა. მანქანაში 5 ახალგაზრდა იმყოფებოდა