საქართველოს ეროვნული საფეხბურთო ნაკრების მთავარი მწვრთნელი, ვილი სანიოლი არ გამორიცხავს, რომ სლოვაკეთში მოასპარეზე ქართველი მცველი თორნიკე ძოწენიძე ნაკრებში გამოიძახოს.

როგორც ვილი სანიოლმა პრესკონფერენციაზე განაცხადა, „თორნიკეს აკვირდება“ და „თუ ასევე გააგრძელებს შრომას და განვითარებას, აუცილებლად გამოიძახებენ”.

„თორნიკემ სლოვაკეთში ძალიან კარგი სეზონი ჩაატარა. ახლა რომ არ გამოვიძახე, არ ნიშნავს, რომ არ ვაკვირდებით, პირიქით. თუ ასევე გააგრძელებს შრომას და განვითარებას, აუცილებლად გამოვიძახებთ,“ - აღნიშნა ვილი სანიოლმა პრესკონფერენციაზე.

26 წლის თორნიკე ძოწენიძე ამჟამად სლოვაკეთის უმაღლეს საფეხბურთო ჩემპიონატში „NIKE LIGA“-ში ასპარეზობს. ის პოზიციით ცენტრალური მცველია.

სლოვაკეთის „NIKE LIGA“-ს სეზონის ბოლო მატჩში, ჩემპიონი სლოვანის წინააღმდეგ, თორნიკე ძოწენიძემ ორივე გუნდიდან ყველაზე მაღალი შეფასება მიიღო.