ნატო-ს გენერალურმა მდივანმა, მარკ რუტემ უკრაინის პრეზიდენტი, ვოლოდიმირ ზელენსკი ანკარაში ნატო-ს სამიტზე მიიწვია. ამის შესახებ ნატო-ს გენერალურმა მდივანმა, მარკ რუტემ შვედეთის ქალაქ ჰელსინგბორგში ალიანსის წევრი ქვეყნების საგარეო საქმეთა მინისტრების შეხვედრის შემდეგ გამართულ პრესკონფერენციაზე განაცხადა.

ჟურნალისტის კითხვის შემდეგ რუტემ დაადასტურა, რომ მიიწვია ვოლოდიმირ ზელენსკი ნატო-ს ლიდერების სამიტზე, რომელიც 7-8 ივლისს ანკარაში გაიმართება.

„კი, უკვე მოვიწვიე. ის იქნება იქ, როგორც ჰააგაში იყო [ნატო-ს ლიდერების გასული წლის სამიტზე]“, - განაცხადა რუტემ.