112-ის ხელმძღვანელად ნიკოლოზ ბაჭულაშვილი დაინიშნა
საზოგადოებრივი უსაფრთხოების მართვის ცენტრი „112“-ს ახალი ხელმძღვანელი ჰყავს.
შინაგან საქმეთა მინისტრმა სულხან თამაზაშვილმა, მოადგილესთან გაგა კირკიტაძესთან ერთად, საზოგადოებრივი უსაფრთხოების მართვის ცენტრი „112“-ის თანამშრომლებს ახალი ხელმძღვანელი, ნიკოლოზ ბაჭულაშვილი წარუდგინა.
„სულხან თამაზაშვილმა „112"-ის ახალ დირექტორს თანამდებობაზე დანიშვნა მიულოცა და მომავალ საქმიანობაში წარმატება უსურვა.
ნიკოლოზ ბაჭულაშვილს შინაგან საქმეთა სამინისტროში მუშაობის მრავალწლიანი გამოცდილება აქვს”, - აღნიშნულია ინფორმაციაში.
