კათოლიკეები, სომხები და ლუთერები სულთმოფენობას ზეიმობენ
კათოლიკური ეკლესია, სომხური სამოციქულო ეკლესიის საქართველოს ეპარქია და ევანგელურ-ლუთერული ეკლესია დღეს სულთმოფენობას აღნიშნავენ.
ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.
სააგენტო ყველას, ვინც დღეს სულთმოფენობას ზეიმობს ულოცავს და მშვიდობას უსურვებს მათ.
„სახარების რწმენით, ღმერთმა ამ დღეს მოუვლინა მოწაფეებს სულიწმინდის მადლი. წმინდა მოციქულებზე აღსრულებული სულთმოფენობის შემდეგ, ეს დღესასწაული ეკლესიაში საღვთო სულის განუწყვეტელი მყოფობის ნიშანია“, - ნათქვამია ინფორმაციაში.
