საფრანგეთის პრეზიდენტი ემანუელ მაკრონი ბელარუსის პრეზიდენტს ალექსანდრე ლუკაშენკოს ტელეფონით ესაუბრა.

მედია წყაროებზე დაყრდნობით იუწყება, რომ ლიდერებმა, სხვა საკითხებთან ერთად, უკრაინაში მიმდინარე ომიც განიხილეს.

„ამ საუბრის დროს, ემანუელ მაკრონმა ხაზი გაუსვა იმ რისკებს, რომლებსაც ბელარუსს უკრაინის წინააღმდეგ რუსეთის აგრესიულ ომში ჩართვა უქმნის“, - განუცხადეს წყაროებმა ჟურნალისტებს.

მათივე განცხადებით, მაკრონმა ლუკაშენკოს ბელარუსსა და ევროპას შორის ურთიერთობების გაუმჯობესებისკენ მოუწოდა.

ცნობისთვის, გუშინ ალექსანდრე ლუკაშენკოს პრესსამსახურმა გაავრცელა ინფორმაცია, რომ საფრანგეთის პრეზიდენტ ემანუელ მაკრონსა და ბელარუსის პრეზიდენტ ალექსანდრე ლუკაშენკოს შორის სატელეფონო საუბარი შედგა.