პროკურატურის პროფესიული დღისადმი მიძღვნილი კვირეულის ფარგლებში, სამეგრელო - ზემო სვანეთის საოლქო პროკურატურის პროკურორებმა,ზუგდიდის N1 საჯარო სკოლის მოსწავლეებთან შეხვედრა გამართეს.

პროკურატურის ცნობით, პროკურორებმა მოსწავლეებს პროკურორის პროფესიისა და პროკურორის საქმიანობის შესახებ ამომწურავი ინფორმაცია მიაწოდეს.

„პროკურორებმა შეხვედრის ფარგლებში, ასევე ისაუბრეს პროკურატურის სისტემისა და უფლებამოსილების შესახებ.

ღონისძიება ინტერაქტიულ რეჟიმში წარიმართა და მოსწავლეების მიერ დასმულ კითხვებს პროკურორებმა ამომწურავი პასუხები გასცეს.

პროკურატურის თანამშრომელთა პროფესიული დღისადმი მიძღვნილი კვირეულის ფარგლებში, საქართველოს პროკურატურის პროკურორები ქვეყნის მასშტაბით სკოლის მოსწავლეებთან საინფორმაციო ხასიათის შეხვედრებს ატარებენ“, - აღნიშნულია ინფორმაციაში.