ფინეთის პრეზიდენტის ალექსანდრ სტუბის განცხადებით, მზადაა რუსეთთან სამშვიდობო მოლაპარაკებებში ევროპის წარმომადგენლის როლი შეასრულოს.

„თუ ამის შესახებ მკითხავენ, მაშინ ეს, ალბათ, ის კითხვაა, რომელზეც უარყოფით პასუხს ვერ გასცემ“, - აღნიშნა სტუბმა Yle Radio Suomi-თან ინტერვიუში.

ამასთან, მან ხაზი გაუსვა, რომ მზადაა ასეთი მოლაპარაკებები აწარმოოს მხოლოდ მას შემდეგ, რაც რუსეთი ცეცხლის შეწყვეტას დათანხმდება.

ცნობისთვის, უკრაინის პრეზიდენტმა ვოლოდიმირ ზელენსკიმ მაისში განაცხადა, რომ ევროპას რუსეთთან სამშვიდობო მოლაპარაკებებში საკუთარი წარმომადგენელი უნდა ჰყავდეს.