23 მაისს, თბილისში, Paragraph Freedom Square Hotel-ში, VR Holding-მა პროექტ „VR Vake Sky Tower – Fashion Avenue“-ის ოფიციალური წინასწარი წარდგენის ღონისძიება გამართა, რომელსაც უძრავი ქონების სფეროს წარმომადგენლები, წამყვანი ბროკერები და ინვესტორები ესწრებოდნენ. ღონისძიებას 300-მდე მოწვეული სტუმარი დაესწრო.

ღონისძიების მთავარი მიზანი იყო პარტნიორი ბროკერებისთვის პროექტის კონცეფციის, გაყიდვების სტრატეგიისა და ექსკლუზიური თანამშრომლობის პირობების გაცნობა. VR Holding-მა სტუმრებს პირველად წარუდგინა „Fashion Avenue“-ის კონცეფცია - ახალი თაობის მრავალფუნქციური პრემიუმ სივრცე, რომელიც არქიტექტურას, მოდას, დიზაინს, ბრენდულ საცხოვრებელ გამოცდილებასა და თანამედროვე ურბანულ ცხოვრების სტილს აერთიანებს .

„VR Vake Sky Tower - Fashion Avenue“ საქართველოს ყველაზე მაღალ მრავალფუნქციურ ცათამბჯენს წარმოადგენს, რომლის სიმაღლე 260 მეტრს და 70 სართულს აღწევს. პროექტი მოიცავს პრემიუმ კლასის აპარტამენტებს, Fashion Avenue-ს კონცეფციაზე დაფუძნებულ კომერციულსა და საერთო სივრცეებს, A კლასის ბიზნეს ცენტრს, Michelin-ის დონის რესტორნებს, პრემიუმ ინფრასტრუქტურასა და რეგიონში ყველაზე მაღალ Infinity Pool-ს.

ღონისძიების ერთ-ერთი მთავარი სიახლე გახდა VR Holding-ისა და UFC-ის მსოფლიო ჩემპიონის, ილია თოფურიას შორის სტრატეგიული პარტნიორობის ოფიციალური გამოცხადება. ხელმოწერილი შეთანხმების ფარგლებში, ილია თოფურია VR Holding-ის ყველა პროექტის ოფიციალური ბრენდ ამბასადორი გახდა.

კომპანიის განცხადებით, აღნიშნული პარტნიორობა VR Holding-ისთვის საერთაშორისო განვითარების ახალ ეტაპს წარმოადგენს. მსოფლიო მასშტაბის სპორტსმენისა და პრემიუმ დეველოპერული ბრენდის გაერთიანება ხაზს უსვამს კომპანიის გლობალურ ხედვას, საერთაშორისო ამბიციებსა და ლიდერულ პოზიციას რეგიონში.

ილია თოფურიას სახელი დღეს მსოფლიო წარმატების, გამარჯვების, დისციპლინისა და უმაღლესი სტანდარტის სიმბოლოა, ხოლო მისი ასოცირება VR Holding-თან კომპანიის თითოეულ პროექტს დამატებით საერთაშორისო მნიშვნელობას, პრესტიჟსა და ექსკლუზიურობას სძენს.

(R)