პროკურატურის პროფესიული დღისადმი მიძღვნილი კვირეულის ფარგლებში საქართველოს გენერალურ პროკურატურაში სისხლის უანგარო დონორის აქცია „გაიღე სისხლი, მიეცი იმედი: ერთად ჩვენ გადავარჩენთ სიცოცხლეს“ გაიმართა.

გენერალური პროკურატურის პრესსამსახურის ინფორმაციით, სისხლის უანგარო დონაცია საქართველოს გენერალური პროკურატურის მხარდაჭერითა და ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ა(ა)იპ ,,ცენტრალური სისხლის დაწესებულების“ ინიციატივით გაიმართა.

უანგარო დონაციის აქციაში მონაწილეობით საქართველოს პროკურატურის 35-ამდე თანამშრომელმა გაიღო სისხლი.

უწყების ცნობით, საქართველოს პროკურატურა სისხლის უანგარო დონაციის აქციაში აქტიურად იღებს მონაწილეობას, რაც მომავალშიც გაგრძელდება.