პროკურატურის პროფესიული დღისადმი მიძღვნილი კვირეულის ფარგლებში, მცხეთის რაიონული პროკურატურის პროკურორებმა სკოლის მოსწავლეებთან შეხვედრა გამართეს
პროკურატურის თანამშრომელთა პროფესიული დღისადმი მიძღვნილი კვირეულის ფარგლებში, მცხეთის რაიონული პროკურორის მოადგილე ნათია კიკალიამ და პროკურორმა გიგა გურაშვილმა მცხეთის N1 საჯარო სკოლაში სკოლის მოსწავლეებთან საინფორმაციო ხასიათის შეხვედრა გამართეს.
ამის შესახებ ინფორმაციას საქართველოს პროკურატურა ავრცელებს.
მათი ცნობით, ღონისძიების ფარგლებში პროკურორებმა მოსწავლეებს საქართველოს პროკურატურის სტრუქტურა, ფუნქციები, უფლებამოსილება და საქმიანობის ძირითადი პრინციპები გააცნეს.
„შეხვედრა ინტერაქციულ რეჟიმში წარიმართა, სკოლის მოსწავლეებმა მათთვის საინტერესო შეკითხვებზე პროკურორებისგან ამომწურავი პასუხები მიიღეს.
პროკურატურის თანამშრომელთა პროფესიული დღისადმი მიძღვნილი კვირეულის ფარგლებში, საქართველოს პროკურატურის პროკურორები ქვეყნის მასშტაბით სკოლის მოსწავლეებთან საინფორმაციო ხასიათის შეხვედრებს ატარებენ“,- ნათქვამია ინფორმაციაში.
