მოსახლეობისა და სამოქალაქო ინფრასტრუქტურის წინააღმდეგ მიზანმიმართული დარტყმები მიუღებელია, - ასე ეხმაურება უკრაინაში აშშ-ის საქმეთა დროებითი რწმუნებული, ჯული დევისი 24 მაისს, რუსეთის მიერ კიევზე განხორციელებულ მასშტაბურ თავდასხმას.

„24 მაისის ღამეს რუსეთმა კიევს შეუტია, რა დროსაც დაარტყა მუზეუმებს, მეტროსადგურებს, საცხოვრებელ შენობებსა და სხვა ობიექტებს, რამაც რეგიონში მასშტაბური ნგრევა გამოიწვია. დღეს, ამ თავდასხმის შედეგი საკუთარი თვალით ვიხილე. როგორც პრეზიდენტმა ტრამპმა ადრე განაცხადა, ეს ომი უნდა დასრულდეს“, - წერს დევისი სოციალურ პლატფორმა X-ზე.

მანამდე, უკრაინის საგარეო საქმეთა მინისტრის, ანდრეი სიბიგას მიწვევით უცხოური დიპლომატიური მისიის წარმომადგენლებმა კიევში რუსეთის დარტყმების ადგილები მოინახულეს.