მექსიკის პრეზიდენტის განცხადებით, მსოფლიო ჩემპიონატის მიმდინარეობისას ირანის საფეხბურთო ნაკრები მექსიკაში დარჩება.

მექსიკის პრეზიდენტის, კლაუდია შეინბაუმის ცნობით, ქვეყნის მთავრობამ ირანის საფეხბურთო ნაკრებს 2026 წლის მსოფლიო ჩემპიონატის მსვლელობისას ქვეყანაში დარჩენის ნებართვა მისცა.

მისი თქმით, აშშ-მა ირანის საფეხბურთო ნაკრების მასპინძლობაზე უარი განაცხადა.

კლაუდია შეინბაუმმა აღნიშნა, რომ მექსიკას თხოვნით FIFA-მ მიმართა, მას შემდეგ, რაც აშშ-მა ირანის საფეხბურთო ნაკრების მასპინძლობის სურვილი არ გამოთქვა, მიუხედავად იმისა, რომ ირანი ჯგუფური ეტაპის ყველა მატჩს აშშ-ში თამაშობს.

„ჩვენ არანაირი მიზეზი არ გვაქვს, რომ მათ მექსიკაში დარჩენის შესაძლებლობაზე უარი ვუთხრათ“, - აღნიშნა შეინბაუმმა.

ცნობისთვის, 2026 წლის მსოფლიო ჩემპიონატს, რომელიც 11 ივლისიდან - 19 ივლისამდე გაიმართება, აშშ, კანადა და მექსიკა მასპინძლობს.