ისრაელის პრემიერ-მინისტრმა, ბენიამინ ნეთანიაჰუმ ისრაელის თავდაცვის ძალებს „ჰეზბოლას“ წინააღმდეგ დარტყმების გაძლიერება უბრძანა.

„ჩვენ „ჰეზბოლასთან“ ომში ვართ. ბოლო კვირების განმავლობაში ჩვენმა მამაცმა მებრძოლებმა 600-ზე მეტი ტერორისტის ლიკვიდაცია განახორციელეს. მაგრამ, ჩვენ ტემპს არ ვანელებთ. პირიქით, მე მათ დავავალე, რომ ტემპი კიდევ უფრო გააძლიერონ“, - აცხადებს ისრაელის პრემიერ-მინისტრი გავრცელებულ ვიდეომიმართვაში.

მისი თქმით, „ჰეზბოლას“ ისრაელი „გადამწყვეტ დარტყმას მიაყენებს“.

„ჩვენ მათ დავარტყამთ. დიახ, ისინი თავს გვესხმიან დრონებით, მაგრამ ჩვენი გუნდი ამაზე მუშაობს. თუმცა, ახლა ეს ჩვენგან დარტყმების გაძლიერებას და ძალის გაზრდას მოითხოვს“, - აღნიშნავს ნეთანიაჰუ.