აშშ-ის სახელმწიფო მდივნის, მარკო რუბიოს განცხადებით, ჰორმუზის სრუტე ნებისმიერი გზით უნდა გაიხსნას.

„სრუტეები უნდა გაიხსნას, ისინი გაიხსნება ამა თუ იმ გზით, ამიტომ ისინი უნდა გაიხსნას“, - განუცხადა რუბიომ ჟურნალისტებს ირანზე აშშ-ის მიერ ახალი დარტყმების განხორციელების შემდეგ.

„ის, რაც იქ ხდება, უკანონოა, ეს უკანონოა, ეს არამდგრადია მსოფლიოსთვის, მიუღებელია“, - აღნიშნა რუბიომ.

მისი თქმით, ირანთან შეთანხმების მისაღწევად მოლაპარაკების ენის ჩამოყალიბებას შეიძლება რამდენიმე დღე დასჭირდეს.

აშშ-ის ცენტრალური სარდლობის განცხადებით, ირანის სამხრეთ ნაწილზე ახალი დარტყმები განახორციელეს. სარდლობის განცხადებაში აღნიშნულია, რომ დარტყმების სამიზნე იყო ირანის სარაკეტო ბაზები და ნავები, რომლებიც ნაღმების განთავსებას ცდილობდნენ. აშშ-ის ცენტრალური სარდლობის მტკიცებით, დარტყმები თავდაცვის მიზნით განხორციელდა და მიზნად ისახავდა აშშ-ის ჯარების დაცვას ირანის ძალების მიერ შექმნილი საფრთხისგან.