გილოცავთ ეროვნულ დღეს, საქართველო! რუმინეთი მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას, ასევე ქართველი ხალხის ევროპულ მისწრაფებებს, - ამის შესახებ აღნიშნულია პოსტში, რომელსაც რუმინეთის საგარეო საქმეთა სამინისტრო საქართველოს დამოუკიდებლობის დღესთან დაკავშირებით ავრცელებს.

უწყება ხაზს უსვამს, რომ საქართველომ და რუმინეთმა უფრო მჭიდროდ უნდა ითანამშრომლონ შავი ზღვის რეგიონში დაკავშირებულობის განვითარების მიზნით.

„ჩვენმა ქვეყნებმა უფრო მჭიდროდ უნდა ითანამშრომლონ შავი ზღვის რეგიონში დაკავშირებულობის განვითარების მიზნით, განსაკუთრებით მწვანე ენერგიის დერეფნისა და შავი ზღვა-კასპიის ზღვის სატრანსპორტო მარშრუტის მეშვეობით“, - აღნიშნულია რუმინეთის საგარეო საქმეთა სამინისტროს განცხადებაში.