„ნაცმოძრაობას“ ამ დღესთან დაკავშირებით ხმა არ აქვს ამოსაღები - ამ მე-5 კოლონამ დღესაც 26 მაისი აირჩია, რათა კვლავ ქაოსი შემოეტანათ იმ დიდ დღესასწაულში, რომელსაც ერი და ბერი ერთად აღვნიშნავთ, - ცხადია, ამას ვერ შეძლებენ, - ამის შესახებ პარლამენტის საპროცედურო საკითხთა და წესების კომიტეტის თავმჯდომარემ, დავით მათიკაშვილმა ჟურნალისტებს განუცხადა.

მან დღეს დაანონსებული აქციის მონაწილეებს მოუწოდა, კანონი არ დაარღვიონ.

„ნაცმოძრაობას“ ამ დღესთან დაკავშირებით ხმა არ აქვს ამოსაღები. რა თქმა უნდა, ყველას ძალიან კარგად ახსოვს რუსთაველის გამზირზე ის სისხლის გუბეები, საკუთარი ხალხის ცემით, წამებით და მოკვლითაც რომ დაატრიალა სადისტურმა „ნაცმოძრაობის“ რეჟიმმა. დღესაც სწორედ 26 მაისი აირჩია ამ მე-5 კოლონამ. დღე, რათა კვლავ დისონანსი, ქაოსი შემოეტანათ იმ დიდ დღესასწაულში, რომელსაც ერი და ბერი ერთად აღვნიშნავთ. ცხადია, ამას ვერ შეძლებენ. ნურავინ დაარღვევს კანონს. სახელმწიფო იქნება ადეკვატური. ყველას კარგად ახსოვდეს, როგორ ექცევა „ნაცმოძრაობა" საკუთარ მოსახლეობას, ხალხს. 2011 წლის 26 მაისი არის ამის პირდაპირი დასტური," - განაცხადა მათიკაშვილმა.