დღევანდელ დღეს აქციების მოწყობის მცდელობა მათ სისუსტეს წარმოაჩენს - ცდილობენ, ამ ემოციურ ფონზე თავიანთ ამომრჩევლებს თავი მოუყარონ, - ამის შესახებ პარლამენტის ვიცე-სპიკერმა გიორგი კახიანმა „ოპოზიციური ალიანსის" მიერ 26 მაისს დაანონსებულ აქციაზე საუბროსას განაცხადა.

მისივე თქმით, მათი ნებისმიერი მცდელობა, რომ რამენაირად ქვეყანაში არეულობა შემოიტანონ, არაფრის მომტანი იქნება.

„ჩვენ ვხედავთ ძალას, რომელიც ცდილობს, ნებისმიერი პოზიტიური მოვლენა, რომელიც ჩვენი ქვეყნისთვის არსებობს, რამენაირად ნეგატიურ ჭრილში გადაიტანონ. ამას მარტივი ახსნა აქვს - ნებისმიერი პოზიტივი, ნებისმიერი წინსვლა ჩვენი ქვეყნისთვის, მათთვის აღიქმება როგორც მძიმე შემთხვევა, როგორც მათი უბედურება. მე ვფიქრობ, პოლიტიკურ ძალებს კარგად უნდა ჰქონდეთ გათვითცნობიერებული, რომ ეროვნული დღესასწაულების პოლიტიკური მანიპულირებისთვის და სპეკულაციებისთვის გამოყენება არ მოხდეს. დღევანდელ დღეს ასეთი აქციების მოწყობის მცდელობა მათ სახეს, მათ სისუსტეს წარმოაჩენს. ისინი ცდილობენ ამ ემოციებზე, მუხტზე რამენაირად წარმოაჩინონ, თითქოს მხარდაჭერით სარგებლობენ. ცდილობენ, ამ ემოციურ ფონზე თავი მოუყარონ თავიანთ ამომრჩევლებს. ნებისმიერი მათი მცდელობები, რომ რანაირადღა ქვეყანაში არეულობა შემოიტანონ, არაფრის მომტანი იქნება," - განაცხადა კახიანმა.