2026 წლის 26 მაისი ვაშინგტონში საქართველოს დამოუკიდებლობის დღედ გამოცხადდა, - აშშ-ში საქართველოს საელჩოს ინფორმაციით, ამის შესახებ ვაშინგტონის მერის მარიელ ბაუზერის პროკლამაციაშია აღნიშნული.

„ვინაიდან საქართველო მსოფლიო თანამეგობრობის მნიშვნელოვანი წევრია დემოკრატიული ღირებულებების განმტკიცების, ეკონომიკური განვითარების და საერთაშორისო სტრატეგიული თანამშრომლობის მიმართულებით; და ვინაიდან, ქართულ-ამერიკული საზოგადოების მემკვიდრეობა, ტრადიციები და მიღწევები მნიშვნელოვნად ამდიდრებს ჩვენი ადგილობრივი თემებისა და მთელი ერის კულტურულ მრავალფეროვნებასა და ეკონომიკურ სიძლიერეს და ვინაიდან საქართველოს საელჩო აძლიერებს კოლუმბიის ოლქს თავისი აქ ყოფნით და ჩვენს თემებთან კულტურული ჩართულობით; და ვინაიდან ჩვენი ღირებული ურთიერთობებისა და კულტურული გაცვლის პატივსაცემად ჩვენ ქართველ ხალხთან და ქართულ დიასპორასთან ერთად აღვნიშნავთ საქართველოს დამოუკიდებლობის 35-ე წლისთავს: მე, ვაშინგტონის მერი 2026 წლის 26 მაისს ვაშინგტონში „საქართველოს დამოუკიდებლობის დღედ“ ვაცხადებ“, – ნათქვამია პროკლამაციაში.