ბელგიაში, ბუგენჰაუტის მუნიციპალიტეტში მატარებლისა და სკოლის მიკროავტობუსის შეჯახების შედეგად ორი მოსწავლე და ორი ზრდასრული დაიღუპა, - ინფორმაციას BBC-ი ავრცელებს.

„ჩემი ფიქრები დაზარალებულებთანაა“, - განაცხადა ბელგიის ტრანსპორტის მინისტრმა ჟან-ლუკ კრუკემ, რომელმაც დაადასტურა ინფორმაცია, რომ ავტოსაგზაო შემთხვევის დროს სარკინიგზო გადასასვლელზე შლაგბაუმი ჩამოშვებული იყო.

ავარიის დროს ავტობუსში შვიდი ბავშვი, მძღოლი და თანმხლები პირი იმყოფებოდა.

მატარებელში არავინ დაშავებულა, თუმცა ერთ ადამიანს მიღებული შოკის გამო მედიკოსების დახმარება დასჭირდა.