გილოცავთ საქართველოს დამოუკიდებლობის დღეს, ძვირფასო ქართველებო! ასეთ ეტაპებზე, როგორსაც თქვენი ერი ამჟამად განიცდის, ადვილია რწმენის დაკარგვა. თუმცა, ისტორია ასევე აჩვენებს, რომ ერების თავისუფლების სურვილი უფრო ძლიერია, ვიდრე შიში, ძალადობა და უსამართლობა, - ამის შესახებ ლიეტუველი ევროპარლამენტარი რასა იუკნევიჩიანე სოციალურ ქსელში წერს.

მისი განცხადებით, ქართველი ხალხი არაერთხელ დამდგარა ფეხზე და კვლავ დადგება.

„ცვლილებები აუცილებლად სწრაფად არ მოხდება. დემოკრატიის, ჭეშმარიტი თავისუფლებისა და ევროპული მომავლისკენ დაბრუნების გზა შეიძლება იყოს გრძელი და რთული. თუმცა, მე მჯერა ყველა კეთილი ნების მქონე ქართველის, რომელთა იმედიც ჯერ კიდევ ანთია. მე მჯერა, რომ ეს იმედი გახდება ძალა, რომელიც საქართველოს ევროპულ გზაზე დააბრუნებს!“- წერს ევროპარლამენტარი.