„ოპოზიციური ალიანსის“ ერთ-ერთი ლიდერის, ნიკა გვარამიას ინფორმაციით, პოლიციამ მათ ტექნიკით დატვირთული მანქანა წაართვა.

„მანქანა ტექნიკით წაგვართვა პოლიციამ!

მიდით, მიაწექით „ქოცებო“! ახლა სხვა მანქანებსაც გამოეკიდეთ და ირბინეთ ასე წინ და უკან, უთავმოყვარეო ბანდიტებო!“ - ნათქვამია ნიკა გვარამიასას განცხადებაში, რომელიც მან სოციალურ ქსელში გაავრცელა.

ცნობისთვის, როგორც ცოტა ხნის წინ საპატრულო პოლიციის თბილისის მთავარი სამმართველოს უფროსმა, გოგა მემანიშვილმა ოპოზიციური ალიანსის წევრებს განუმარტა, მათ მიერ დაკორექტირებული განცხადება შსს-ში გუშინ შევიდა და უწყებას მის განსახილველად 5-დღიანი ვადა აქვს. შესაბამისად დღეს დაგეგმილ აქციაზე ოპოზიციას ტექნიკის განთავსების მოთხოვნა არ დაუკმაყოფილდება.