უკრაინის პრეზიდენტი, ვოლოდიმირ ზელენსკი ბელარუს ოპოზიციონერ ლიდერს, სვეტლანა ტიხანოვსკაიას შეხვდა, - ინფორმაციას უკრაინის პრეზიდენტი ავრცელებს.

„ჩვენ მხარს ვუჭერთ ბელარუსი ხალხის მისწრაფებას, რომ გათავისუფლდნენ რუსული ჩარევისგან და ვიცით, რომ რუსეთი ცდილობს, ბელარუსი კიდევ უფრო ღრმად ჩაითრიოს უკრაინის წინააღმდეგ ომში“, - წერს ზელენსკი სოციალურ ქსელში.

უკრაინის პრეზიდენტის ცნობით, ბელარუსის ოპოზიციის ლიდერთან, სვეტლანა ტიხანოვსკაიასთან შეხვედრაზე აღნიშნა, რომ ბელარუსი ხალხის მხრიდან უკრაინის მიმართ მხარდაჭერას აფასებს.

მისი თქმით, უკრაინა ბელარუსისთვის საფრთხე არასდროს ყოფილა.

„დადგება დღე, როდესაც ჩვენს ქვეყნებს შორის კეთილმეზობლური ურთიერთობები იქნება, რომელიც როგორც უკრაინის, ასევე ბელარუსის მოსკოვისგან ნამდვილ დამოუკიდებლობაზე იქნება დაფუძნებული“, - აცხადებს უკრაინის პრეზიდენტი.