Spiegel - აშშ ნატო-ში თავისი სამხედრო წვლილის მნიშვნელოვნად შემცირებას გეგმავს
აშშ ნატო-ში თავისი სამხედრო წვლილის მნიშვნელოვნად შემცირებას გეგმავს, - ინფორმაციას გერმანული გამოცემა Spiegel-ი ავრცელებს.
Spiegel-ის ინფორმაციით, აშშ უახლოეს მომავალში ევროპაში შეიარაღებული სისტემებისა და სამხედრო მოსამსახურეების რაოდენობის შემცირებას გეგმავს.
როგორც გამოცემა წერს, აშშ-ის თავდაცვის მდივნის, პიტ ჰეგსეთის წარმომადგენელმა ნატო-ს წევრი სახელმწიფოების წარმომადგენლების აშშ-ის გეგმების შესახებ გასულ კვირას აცნობა.
ვაშინგტონის გეგმების თანახმად, აშშ გეგმავს მნიშვნელოვნად შეამციროს ნატოსთვის მიწოდებული სამხედრო რესურსების რაოდენობა, კერძოდ ავიაგამანდგურებლების, სამხედრო გემებისა და სადაზვერვო დრონების რაოდენობა.
გამოცემის ცნობით, ჰეგსეთის წარმომადგენელმა კოლეგებს განუცხადა, რომ ვაშინგტონი ევროპაში ბირთვული შეკავების შესაძლებლობების შენარჩუნებას კვლავ გეგმავს, თუმცა ევროპელებმა ტრადიციულ თავდაცვაზე მეტი პასუხისმგებლობა უნდა აიღონ.
