ევროკავშირმა განაცხადა, რომ რუსეთის გაფრთხილებების მიუხედავად, კიევში თავის დიპლომატიურ წარმომადგენლობას უცვლელად შეინარჩუნებს, როგორც ჩანს მათ დიპლომატები ზედმეტი რაოდენობით ჰყავთ , - ამის შესახებ რუსეთის უშიშროების საბჭოს თავმჯდომარის მოადგილე, დიმიტრი მედვედევი სოციალურ ქსელში წერს.

„ევროკავშირმა განაცხადა, რომ რუსეთის გაფრთხილებების მიუხედავად, კიევში თავის დიპლომატიურ წარმომადგენლობას უცვლელად შეინარჩუნებს, როგორც ჩანს მათ დიპლომატები ზედმეტი რაოდენობით ჰყავთ და მათი რაოდენობის შემცირება სურთ“, - წერს მედვედევი X-ზე.

შეგახსენებთ, რუსეთის საგარეო საქმეთა სამინისტრომ გუშინ განცხადება გაავრცელა, რომლითაც კიევში „გადაწყვეტილების მიღების ცენტრებზე“ მომავალი დარტყმები გამოაცხადა. ასევე, უწყებამ უცხო ქვეყნის მოქალაქეებს, მათ შორის დიპლომატიური მისიებისა და საერთაშორისო ორგანიზაციების წარმომადგენლობების პერსონალს კიევის დატოვებისკენ მოუწოდა.

მოგვიანებით, უკრაინაში ევროკავშირის ელჩმა, კატარინა მატერნოვამ განაცხადა, რომ ევროპელი დიპლომატები კიევის დატოვებას არ აპირებენ.

„ევროკავშირი არსად მიდის. ჩვენ კიევში ვრჩებით. ჩვენ უკრაინის გვერდით ვრჩებით. დიპლომატებისა და საერთაშორისო ორგანიზაციების წინააღმდეგ მუქარა სიძლიერის ნიშანი არ არის. ეს სასოწარკვეთის ნიშანია“, - აღნიშნა ელჩმა.