Politico - რუსტემ უმეროვი ბერლინში გერმანიის, საფრანგეთისა და დიდი ბრიტანეთის წარმომადგენლებთან მოლაპარაკებებს გამართავს
უკრაინის ეროვნული უსაფრთხოებისა და თავდაცვის საბჭოს მდივანი, რუსტემ უმეროვი ბერლინში გერმანიის, საფრანგეთისა და დიდი ბრიტანეთის წარმომადგენლებთან მოლაპარაკებებს გამართავს, - ინფორმაციას Politico ავრცელებს.
უკრაინის ეროვნული უსაფრთხოებისა და თავდაცვის საბჭოს მდივანი რუსტემ უმეროვი სამშაბათს ბერლინში ჩავიდა, სადაც გერმანიის, საფრანგეთისა და დიდი ბრიტანეთის ეროვნული უსაფრთხოების მრჩევლებს შეხვდება.
გამოცემასთან საუბარში ერთ-ერთმა ევროპელმა დიპლომატმა განაცხადა, რომ გერმანიის კანცლერის ფრიდრიხ მერცის მიერ გასულ კვირას ევროკავშირში უკრაინისთვის „ასოცირებული წევრის“ სტატუსის მინიჭების შესახებ წარდგენილი წინადადების ფონზე უმეროვის ბერლინში ვიზიტი აღსანიშნავია.
„ის ფაქტი, რომ უმეროვი დღეს ბერლინში იმყოფება, აშკარა კავშირზე მიუთითებს“, - აღნიშნა ევროპელმა დიპლომატმა.
ამასთან, გამოცემა წერს, რომ ბერლინში უმეროვის ვიზიტი იმის ფონზე მიმდინარეობს, როდესაც რუსეთის საგარეო უწყება კიევში უცხოურ დიპლომატიურ წარმომადგენლობებს დარტყმებით დაემუქრა და მათ უკრაინის დატოვებისკენ მოუწოდა.
