იმ დამოუკიდებლობისთვის, რომელიც მოგვიპოვა და გვიანდერძა ჩვენმა ბრწყინვალე წინაპრებმა, ვიბრძოლებთ, დავიცავთ და გადავარჩენთ, - ამის შესახებ "ოპოზიციური ალიანსის" ერთ-ერთმა ლიდერმა, ლევან ცუცქირიძემ საპროტესტო მსვლელობისას ტელეკომპანია "პალიტრანიუსის" ეთერში განაცხადა.

ცუცქირიძის თქმით, დამოუკიდებლობისთვის ბრძოლა ერთჯერადი აქტი არაა.

"პოლიტიკური პარტიების საქმე ერთ-ერთი მნიშვნელოვანია, რომ საზოგადოებას მისცეს საშუალება საკუთარი აზრი, პროტესტი, მოთხოვნები გამოხატოს. დღეს, ჩვენ აქ ვართ, რადგან ვთქვათ, თავისუფლებისთვის, დემოკრატიისთვის, დამოუკიდებლობისთვის ბრძოლას ერთჯერად მოვლენად და აქტად არ მივიჩნევთ. როგორც მერაბ კოსტავა ამბობდა, მისი დაბადების დღეა დღეს, თავისუფლებისთვის ბრძოლა ყოველდღიურია, მას ყოველდღიური თავგანწირვით და ბრძოლით მოვიპოვებთ. ამის საჩვენებლად და ამის სათქმელად ვართ აქ ჩვენ, რომ იმ დამოუკიდებლობისთვის, რომელიც მოგვიპოვა და გვიანდერძა ჩვენმა ბრწყინვალე წინაპრებმა, ამ დამოუკიდებლობისთვის ვიბრძოლებთ, დავიცავთ და გადავარჩენთ",- განაცხადა ცუცქირიძემ.