ჩვენ საბოლოო ჯამში გამარჯვება გვიწერია, უბრალოდ სწორი გზები უნდა ვიპოვოთ ამ გამარჯვებამდე - „ქოცები“ ნელ-ნელა მართლა შედიან დეპოში და ეს დეპო ჩვენ უნდა მოვუძებნოთ, რომ სწორ ადგილას ჩამოდგნენ ისე, რომ ეს ქვეყანა მეტი აღარ შეაწუხონ არასდროს, - ამის შესახებ ოპოზიციონერმა პოლიტიკოსმა, გივი თარგამაძემ საპროტესტო აქციაზე განაცხადა.

მისი თქმით, დღეს დამოუკიდებლობა საკმაოდ რთულ პირობებშია დასაცავი.

„ჩემი აზრით, ეს არის მთავარი დღესასწაული. ჩვენ, ეს დღე ყოველთვის უნდა ვიზეიმოთ. რა თქმა უნდა, გასაგებია, რომ სწორედ ეს დამოუკიდებლობა არის დასაცავი და თანაც საკმაოდ რთულ პირობებში, მაგრამ რაც არის ეგ არის. ჩვენ საბოლოო ჯამში გამარჯვება გვიწერია, უბრალოდ სწორი გზები უნდა ვიპოვოთ ამ გამარჯვებამდე. ჩემი აზრით, „ქოცები“ ნელ-ნელა მართლა შედიან დეპოში და ეს დეპო ჩვენ უნდა მოვუძებნოთ სად არის, რომ სწორ ადგილას ჩამოდგნენ ისე, რომ ეს ქვეყანა მეტი აღარ შეაწუხონ არასდროს“, - განაცხადა გივი თარგამაძემ „მთავართან“.

ცნობისთვის, თსუ-დან პარლამენტის მიმართულებით საპროტესტო მსვლელობა მიმდინარეობს. მასში მონაწილეობას იღებენ "ოპოზიციის ალიანსში" შემავალი პარტიების ლიდერები, წევრები და რიგითი მოქალაქეები.