თამარ ჩერგოლეიშვილი - ხალხი ისევ დგას, საზოგადოება გაუტეხელია, ივანიშვილს მანევრი აღარ დარჩა - 2026 წელი უნდა იყოს რეჟიმის ცვლილების წელი
ჩვენი მოკავშირეების ინტერესი რეგიონის მიმართ გაზრდილია და ჩვენ უკვე ნანახი გვაქვს რა ხდება საქართველოში, როცა ამ რეგიონში თავისუფალი სამყაროს ინტერესი იზრდება - ხდება რეჟიმის ცვლილება. 2026 წელი უნდა იყოს რეჟიმის ცვლილების წელი, - ამის შესახებ „ფედერალისტების“ ერთ-ერთმა ლიდერმა თამარ ჩერგოლეიშვილმა საპროტესტო მსვლელობაზე განაცხადა.
მისი თქმით, დღევანდელი აქცია, არის საზოგადოების გაუტეხლობის დემონსტრირება.
„არასდროს ქართველი ხალხი იმედს არ მიცრუებს. ზუსტად ვიცოდი, რომ ძალიან ბევრი ხალხი იქნებოდა და ძალიან ბედნიერი ვარ, იმიტომ, რომ ამდენი რეპრესიის მიუხედავად, ამდენი შეურაცხყოფის, დამცირების მიუხედავად, ხალხი ისევ დგას, საზოგადოება ისევ გაუტეხელია. ივანიშვილს მანევრი აღარ დარჩა. უწევს ცალ ფეხზე სირბილი და გადამტერებულ მოკავშირეებთან ურთიერთობის აღდგენის ხვეწნა. ჩვენი მოკავშირეების ინტერესი ამ რეგიონის მიმართ გაზრდილია და ჩვენ უკვე ნანახი გვაქვს, რა ხდება საქართველოში, როცა ამ რეგიონში თავისუფალი სამყაროს ინტერესი იზრდება - ხდება რეჟიმის ცვლილება. სახელმწიფო დეპარტამენტის დელეგაციაც თბილისშია და ისინი უყურებენ ალტერნატივას, უყურებენ წინააღმდეგობას. ტრამპის წერილიც ნახეთ ხომ?! 2026 წელი უნდა იყოს რეჟიმის ცვლილების წელი, იმიტომ, რომ ამ რეჟიმის პირობებში საქართველოს უსაფრთხოებას და საქართველოს კეთილდღეობას ვერ დავიცავთ, ეს არის ამერიკის მტრების ირანის მოკავშირე რეჟიმი“, - განაცხადა თამარ ჩერგოლეიშვილმა.
