თენგო თევზაძე - მინდა გკითხოთ - ემიგრანტების, პოლიტიკური ლიდერების: ნიკა მელიას, ელენეს, მიშას, ლევანის და სხვების გარეშე არჩევნები იქნება სამართლიანი?! მამუკა ხაზარაძის, გიორგი გახარიას გარეშე არჩევნები იქნება თავისუფალი?
გაუმარჯოს საქართველოს ბიძინა ივანიშვილის გარეშე! ჩვენ ჩამოვშლით ამ რეჟიმს! - ამის შესახებ “ოპოზიციური ალიანსის” წევრმა თენგო თევზაძემ პარლამენტთან მიმდინარე აქციაზე, სიტყვით გამოსვლისას განაცხადა.
თევზაძემ აქციის მონაწილეებს მიმართა, რომ მიუხედავად განსხვავებული პოზიციებისა, არ უნდა დაივიწყონ პოლიტიკოსები, "რომლებიც არიან პოლიტიკურ დევნაში".
"დღეს გვაერთიანებს საქართველოს დამოუკიდებლობა და ჩვენი მომავალი. ჩემი წინა გამომსვლელი საუბრობდა იმ დიდ პრობლემაზე, რასაც ემიგრაცია ჰქვია. საქართველო იცლება და მთავარი დამნაშავე არის ბიძინა ივანიშვილი. აქ მყოფ ადამიანებს მინდა გკითხოთ - ემიგრანტების, ჩვენი თანამემამულეების გარეშე არჩევნები იქნება სამართლიანი?! მინდა გკითხოთ, ჩვენი პოლიტიკური ლიდერების: ნიკა მელიას, ელენე ხოშტარიას, მიშას, ლევანის და სხვების გარეშე არჩევნები იქნება სამართლიანი?! მიუხედავად განსხვავებული პოზიციებისა, ჩვენ არ უნდა დავივიწყოთ პოლიტიკოსები, რომლებიც არიან პოლიტიკურ დევნაში. მამუკა ხაზარაძის, გიორგი გახარიას გარეშე არჩევნები იქნება თავისუფალი?! ასევე, არჩევნები იქნება თავისუფალი დამკვირვებლის გარეშე?! ბიძინა ივანიშვილის გარეშე ხომ იქნება არჩევნები თავისუფალი?! გაუმარჯოს საქართველოს ბიძინა ივანიშვილის გარეშე! ჩვენ ჩამოვშლით ამ რეჟიმს! თქვენ ჩამოშლით ამ რეჟიმს და ამ ქვეყანაში არ გვეყოლება პოლიტპატიმრები! არ გვეყოლება ემიგრაციაში წასული ამდენი ადამიანი! ჩვენ შევძლებთ თავისუფალი, ერთიანი საქართველოს აშენებას! თქვენ გაგიმარჯოთ ქართველებო! ბიძინა წადი! წადი!
მშვიდობანი პროტესტი გაგრძელდება. უწყვეტი პროტესტის მონაწილეების პროტესტი გრძელდება მთელი ძალით! გადავდივართ შეტევაზე! " - განაცხადა თევზაძემ.
ცნობისთვის, პარლამენტთან „ოპოზიციის ალიანსის“ მიერ ორგანიზებული საპროტესტო აქცია მიმდინარეობს. პროტესტის მონაწილეები რუსთაველის გამზირზე მსვლელობით თსუ-ს პირველი კორპუსიდან მივიდნენ. მათ გააჟღერეს საქართველოს ჰიმნი, მიტანილი აქვთ საქართველოსა და ევროკავშირის დროშები.
