მაია სანდუ ქართველ ხალხს ევროპული მომავლისთვის ეგზისტენციალურ ბრძოლაში მხარს მტკიცედ უჭერს, - ამის შესახებ საქართველოს მეხუთე პრეზიდენტი სალომე ზურაბიშვილი სოციალურ ქსელში წერს.

„დღეს პრეზიდენტ მაია სანდუს შევხვდი. ის მტკიცედ უჭერს მხარს ქართველ ხალხს ევროპული მომავლისთვის ეგზისტენციალურ ბრძოლაში. მოლდოვის სოლიდარობა ჩვენს გამძლეობას აძლიერებს. ჩვენი ერთიანი ფრონტი მკაფიო სიგნალია: ჩვენი ერების დემოკრატიული არჩევანი არ შეიძლება კომპრომისის საგანი იყოს ან შეიზღუდოს“, - წერს სალომე ზურაბიშვილი X-ზე.

სალომე ზურაბიშვილი აღნიშნავს, რომ მოლდოვის პრეზიდენტ მაია სანდუსგან რესპუბლიკის ორდენის მიღება დიდი პატივია.

„ეს სახელმწიფო ჯილდო ამ კრიტიკულ მომენტში ქართველი ხალხის მიმართ მოლდოვის მტკიცე მხარდაჭერის სიმბოლოა. ჩვენი საერთო ევროპული გზა კვლავ შეუქცევადია“, - აცხადებს სალომე ზურაბიშვილი.