ძალიან მნიშვნელოვანი დღე იყო. ჩვენთვის, პოლიტიკოსებისთვის, თვითკმაყოფილების დრო, რა თქმა უნდა, არ არის, ახლა არის ძალიან ბევრი შრომის დრო, - ასე ეხმაურება პარტია „დროას“ ლიდერი, ელენე ხოშტარია 26 მაისს, „ოპოზიციური ალიანსის“ მიერ ორგანიზებულ აქციას.

განცხადებაში, ხოშტარია ამბობს, რომ მნიშვნელოვანია ყველა დაუდგეს გვერდით იმ ავტომობილის მძღოლს, რომელიც პოლიციამ დააჯარიმა საპროტესტო აქციაზე აპარატურის მიტანის გამო.

„ყველას გილოცავთ დამოუკიდებლობის დღეს და ამ დღისთვის შესაფერის ღირსეულ საპროტესტო აქციას!

ძალიან მნიშვნელოვანი დღე იყო. ჩვენთვის, პოლიტიკოსებისთვის, თვითკმაყოფილების დრო, რა თქმა უნდა, არ არის, ახლა არის ძალიან ბევრი შრომის დრო.

აგრეთვე, ძალიან მნიშვნელოვანია იმ მანქანის მძღოლის გვერდში დადგომა, რომელმაც მარშის დროს აპარატურა შემოიტანა. ეს არის პრინციპის საკითხი, რომ ამ ადამიანს არანაირი ტვირთი არ დააწვეს და მასზე ჯოხი არ გადატყდეს. ჩემი მხრიდან, მე ყველაფერს გავაკეთებ ამისთვის. თქვენ კი, მადლობა, ასეთი გულისხმიერი და მყისიერი მოქმედებისთვის.

ბოლომდე! რუსთავის ქალთა ციხე",- ნათქვამია ხოშტარიას წერილში, რომელიც მის "ფეისბუქზე" ვრცელდება.