მნიშვნელოვანია, რომ ამერიკამ უკრაინას მოუსმინოს, - ამის შესახებ უკრაინის პრეზიდენტი, ვოლოდიმირ ზელენსკი აცხადებს.

ვოლოდიმირ ზელენსკის თქმით, აშშ-ს პრეზიდენტ დონალდ ტრამპსა და კონგრესს წერილი გაუგზავნა, რომელშიც საჰაერო თავდაცვის სისტემების დეფიციტზეა საუბარი.

„საკმაოდ იშვიათია, რომ სხვა სახელმწიფოს ლიდერმა ერთდროულად მიმართოს წერილით, როგორც აშშ-ის პრეზიდენტს, ისე კონგრესს. თუმცა, ახლა სიტუაცია სასწრაფო მოქმედებას მოითხოვს. გვესმის, რომ ახლა მსოფლიოს ყურადღების დიდი ნაწილი ირანში ომზეა მიპყრობილი. თუმცა ომი აქ, ევროპაშიც უნდა დასრულდეს“, - აცხადებს ზელენსკი.

მისი თქმით, რაც უფრო მალე მიიღებს უკრაინა ბალისტიკური რაკეტებისგან დაცვის შესაძლებლობებს, „მით უფრო მალე შეძლებს იმის უზრუნველყოფას, რომ დიპლომატიამ იმუშაოს“.

„ვიდრე რუსეთი რაკეტებს ეყრდნობა, მისი ინტერესი დიპლომატიის მიმართ ნამდვილი არ არის. ჩვენ ეს უნდა შევცვალოთ. ამის გაკეთება კი მხოლოდ ამერიკასთან ერთად შეგვიძლია“, - აღნიშნავს უკრაინის პრეზიდენტი.