პროკურატურის პროფესიული დღისადმი მიძღვნილი კვირეულის ფარგლებში საქართველოს გენერალურ პროკურატურაში ადვოკატთა ასოციაციის პროფესიული ადაპტაციის პროგრამის მონაწილეებთან საინფორმაციო შეხვედრა გაიმართა.

ამის შესახებ ინფორმაციას საქართველოს პროკურატურა ავრცელებს.

მათი ცნობით, შეხვედრას საქართველოს გენერალური პროკურატურის პროფესიული განვითარების ცენტრის უფროსი მირიან მეგრელიშვილი უძღვებოდა.

„მირიან მეგრელიშვილმა მონაწილეებს საქართველოს პროკურატურის უფლებამოსილებები, უწყების სტრუქტურა, სტრატეგიული პრიორიტეტები და საქმიანობის ძირითადი მიმართულებები გააცნო.

შეხვედრის მიზანი საქართველოს ადვოკატთა ასოციაციის პროფესიული ადაპტაციის პროგრამის მონაწილეებისთვის საქართველოს პროკურატურის სტრატეგიის, ამოცანების. პრინციპების და უფლებამოსილების გაცნობა და მათი ცნობიერების ამაღლება პროკურატურის საქმიანობის შესახებ იყო.

საქართველოს პროკურატურა მომავალშიც აქტიურად დაგეგმავს და განახორციელებს ისეთ მიზნობრივ ღონისძიებებს, რომლებიც ხელს შეუწყობს მართლმსაჯულების პროცესში ჩართულ აქტორებთან ურთიერთთანამშრომლობას”,- ნათქვამია ინფორმაციაში.