„ძლიერი საქართველო-ლელოს“ ლიდერი ირაკლი კუპრაძე, თანაგუნდელებთან ერთად რეგიონებში შეხვედრებს აგრძელებს.

პარტიის ინფორმაციით, გენერალური მდივანი, ირაკლი კუპრაძე თელავში ჩავიდა და მევენახეების პრობლემებს გაეცნო.

ირაკლი კუპრაძის თქმით, აუცილებელია ქართველმა მევენახემ მკაცრი პასუხი გასცეს ივანიშვილის მთავრობას „იმ ძალადობაზე, რომელსაც მევენახეებისთვის დაწესებული ახალი საკანონმდებლო რეგულაციები მოიცავს“.

„გლეხებისთვის „ქართული ოცნების“ მიერ შემოღებული საკანონმდებლო ცვლილებები და დამატებითი ბიუროკრატია, მათ საარსებო წყაროს უსპობს, რაც დამატებითი ზიანია რეგიონებში მცხოვრები ისედაც გაჭირვებული მოსახლეობისთვის“,- ნათქვამია პარტიის მიერ გავრცელებულ ინფორმაციაში.