პარლამენტმა „დიპლომატიის აკადემიის“ შექმნის გადაწყვეტილებას მხარი დაუჭირა
პარლამენტმა დიპლომატიის აკადემიის შექმნის გადაწყვეტილებას მხარი დაუჭირა.
დაჩქარებული წესით განიხილეს და 28 მაისის პლენარულ სხდომაზე მეორე და მესამე მოსმენით დაამტკიცეს “დიპლომატიური სამსახურის შესახებ“ კანონში ცვლილებები, რომლის თანახმად, საგარეო საქმეთა სამინისტროს მმართველობის სფეროში საჯარო სამართლის იურიდიული პირი - დიპლომატიის აკადემია შეიქმნება.
დიპლომატიის აკადემია უმაღლესი საგანმანათლებლო დაწესებულების სტატუსს მიიღებს და განახორციელებს როგორც საბაკალავრო და სამაგისტრო პროგრამებს, ასევე კვალიფიკაციის ამაღლების ერთწლიან კურსს.
საგარეო საქმეთა სამინისტროს განმარტებით, დიპლომატიის აკადემიის შექმნა და ფუნქციონირება ხელს შეუწყობს დიპლომატიური სამსახურისთვის კვალიფიციური კადრების მომზადებას.
